බොඩිම් සෙවීමේ අත්දැකීම්.
දවල් තිස්සෙ ගෙට වැදිලා ඉදල ඉදල මල කම්මැලී, ඉතිං හවස් වරුවේ ජොලියටත් එක්ක මගේ පුටාර් එකත් අරන් රවුමක් දාන්න ඕන කියලා එලියට බැස්සා.මොකක්ද බොලේ මේ පුටාර් එක කියන්නේ?වෙන මොකක්ද අනේ රෝද දෙකේ දුප්පතාගේ වාහනේ මිසක්ක.
ඉතිං රත්මලානේ ගොලු මඩම හන්දියෙන් බොරුපන පාරට හැරිලා ටිකක් දුරක රවුමක් ගහනකොට මෙන්න බොලේ දැක්ක ගේට්ටුවක එල්ලලා තියෙන දැන්වීමක්.......... ! පිරිමි ළමුන් සදහා බෝඩිම් ඇත....... හරිනේ.... ඔන්න බොලේ තියනවා වෙලාව යවාගන්න මරු වැඩක්.ඔන්න මම මගේ රථය අතුරු පාරක දාලා ධාවනේ කරන්න ගත්තා. මෙන්න තියනවා තව බෝඩ් එකක්.බැලින්නම් ටැලිපෝන් නොම්මරෙත් තියෙනවා.ගත්තා මමත් කෝල් එකක්....ම්හු..... කෝ මේ මනුස්සය උස්සන්නෙ නෑ නෙව.ආයිමත් ගත්ත....ඔන්න නිදිමතේ ඉදං හිටපු මනුස්ස පරාණයක් ආන්ස්වර් කොලා.... හලෝ.... හලෝ... කවුද මේ? මොකටද කතා කලේ? කොහෙන්ද කතා කරන්නේ?මිනිහා මට ප්‍රශ්න පත්තරයක්ම අත ඇරියා..මම කිවුවා මේ බෝඩිම බලන්න කියලා.ඒක ඇහුනා විතරයි මිනිහගේ නිදිමත අන්තරාස්දාන් වුනා.ඔහොම ඉන්න සෑර් මං මේ දැන් විනාඩියෙන් ඔතනට එනවා කියලා පොර කිවුවා.මිනිහා හිතුවේ හොද දතක් ගලවන්න පුලුවන් එකෙක් ලොකු වාහනේකින් බැහැල කියලා.ඔන්න ඈතදිම බුලට් එක මාව දකිනවා.උගේ මූණ නිකන් රෝදෙක හුලං ගියා වගේ උනා,ඇයි ඉතිං පුස් සයිකලේක බෑග් එකකුත් පිටේ එල්ලගෙන කැප් එකකුත් දාන් ඉන්නවනේ කොල්ලෙක්....මිනිහටත් අනේ මං නින්දත් නැති කරන් ආවේ මොන අපරාදෙකටද කියලා හිතෙන්න ඇති.මිනිහගේ පස්සෙන් මමත් ගියේ නැතෑ කාමර බලන්න.මාත් ඉතිං මගේ නහය ගෙදර දාලා එන්නෙ නැතුව මන් කරගත්ත ගොන් වැඩක් කියලා ඇතුලට ආවා,අඩු ගානේ මට හෙම්බා වත් හැදිලා තිබුන නම් මේ ගද දැනෙන්නෙ නෑ නෙ.මොරබිටෝ සෙන්ට් ලොරියක්වත් දැම්මොත් ඔන්න ටිකක්වත් ගද යයි.ඒකෙ බෝඩ් වෙලා ඉදපු එවුන්ගේ ගද සුවද දැනෙන ග්‍රන්ථි ඕෆ් කරන ස්විච් එකක් තියෙන්න ඇති.මේ නිදිමතයා යන්තං ඇදක් විතරක් තියන කාමර කෑල්ලක් මට පෙන්නුවා.අනේ වලාමේ... ඒ වෙලාවෙ තුවක්කුවක් තිබුනනම් මම මටම වෙඩි තියාගන්නවා.ඒ තරමටම මට එපා උනා.මේ ගමේ අහිංසක කොල්ලෙක්ට අඩි 8*8 කාමරයක් පෙන්නලා තව හොදදත් අහනවා.
නිදිමතයා නාන තැන් එහෙම බලන්න යමු කිව්වා ඒත් මගේ අහිංසක නාහෙට දුක් දුන්නා ඇති කිහලා ඉතිරි ටික බලන්නෙත් නැතුව මං ඉක්මනටම එතනින් මාරු උනා.
ඉතිං ඔන්න තට්ටු දෙකේ ගෙදරක් තියනවා දිලිසි දිලිසි.පැත්තක ____ සැලූන් කියලා බෝඩ් තඩියකුත් දාලා තිබුනා.කලින් වගේ කෝල් කළා.ලළනාවක් සැලූන් කටහඩකින් කඩ්ඩෙන්ම මට කොටාගෙන කොටාගෙන ගියා,මාත් අත ඇරියෙ නෑ.මගෙන් ගානක් කියලා ඇහුවා මාසෙකට ඒ ගානකට පුලුවන්ද කියලා.මට පු__නුත් එක්ක හිනා ගියා.මං මේ ජොලියට බෝඩිම් බලනවා මේ යෝධි මගුලක් කතාකරනවා.මම අපොයි පුලුවන් කිවුවා........ටික වෙලාවකින් යතුරු කැරැල්ලකුත් ඇගිල්ලෙන් කරකව කරකව ලළනාව ආවා.ඇවිත් මට කාමරවල දොරවල් ඇරල පෙන්නුවා.මං ඒත් හනිකට කාමරවලට එබිලා බැලුවා.ඇයි ඉතිං ඒ මනුස්සයා කිව්ව ගනන් වල හැටියට මට හිතුනේ කාමරේ රත්තරන් ටයිල්වත් අල්ලලද කියලා.ලළනාව මගෙන් විස්තර ඇහුවා මං ඉතිං හංගන්නෙ නැතුව කින්ද මන්ද කාගේ කවුද ඇත්තම කිවුවා,විස්තර ඇහුවා විතරයි ලළනාවගේ කට පුදුම විදියට පළල් උනේ.මට දත් 64ම පෙන්නුවෙ නැති එක විතරයි.පස්සේ පුදුම ඕන කමක් ඇති උනා මාව නතර කර ගන්න.ගානත් අඩු කරන්නම් කිවුවා.ඒත් ඉතිං ඒ මනුස්සයා මම දකුණේ බවත් ලෝකේ කාලා වතුර බීපු ඇම්බැට්ටයෙක් බවත් දන්න එකක්යැ.ඉතිං මං මේ බෝඩිම බැලුවෙ යාලුවෙක්ට කියලා මගේ පතිවෘතාවත් රැකං ඉක්මනට මාරු උනා.
පස්සෙ පාර දිගේ රථෙන් බැහැල ඇවිදන් යද්දි තව බෝඩ් එකක් දැක්කා.මං ඉතිං ඒකටත් හොටේ දාලා බැලුවා.ඒකෙත් හිටියේ ලළනාවක්.ඉතිං ඒ මනුස්සයාගෙ පුතත් එක්ක මාත් ගියා බෝඩිම තිබුන තැනට.හයියෝ සසර එපා උනා.මේ යන්තං අටවපු ලෑලි ගෙයක්.ඒ මනුස්සයා ගෙයක් කිව්වට මොකද මගේ සද්ද කෝසෙ තියෙන්නෙ නම් ඒකට කියන්නෙ මුඩුක්කුවක් කියලා.
ඒ බිම නිකං හදේ ආවාට වගේ පස් ගොඩවල් තැනින් තැන.ටොයිලට් එකට තියෙන්නේ ගඩොල් කැට දෙකක් අල්ලපු මුල්ලක්.මහ ලොකුවට ඒ මනුස්සයගේ සුවාමි පුරුසයා පොලීසියෙලු.මගේ වාචාල කටට හොද හොද ඒවා ආවා,ඒත් ඉතිං මං සද්ද නැතිව ඉදලා ඕන උනොත් කෝල් කරන්නම් කියලා ආයිමත් පාරට බැස්ස.
ඊළගට තමයි රසම වැඩේ උනේ.ටික දුරක් ගිහින් කඩේකින් ඇහුවා තව තැනක් ගැන.එතනින් කිව්වා ඉස්සරහ සෝමා අක්කගේ ගෙදරින් අහන්න කියලා.මාත් ඉතිං වීරයා වගේ අදාළ තැනට ගියා.ගිහින් ඇහුවා සෝමා අක්කා ඉන්නවද කියලා.මෙන්න බොලේ ආවේ නැතෑ අවුරුදු 70ක් විතර වෙන ආච්චි කෙනෙක්.අපේ අත්තම්මටත් වැඩිය වයසයි.මං ඒත් නොදන්න කමට ආයිමත් ඇහුවා සෝමෙ අක්ක ඉන්නවද කියලා.මේ ගෑනි පැනපු ගමන් කියපි ඔව් ඒ මම තමයි මල්ලි කියලා.මාව නිකං කරකවලා ආයිමත් කරකවලා අත ඇරියා වගේ,මට ෆුල් හොල්මන්.අනේ බං ආච්චියේ විහිලු කරන්න එපා කියලා කියවෙන්නෙ නැතිව දිව බොහොම අමාරුවෙන් හදං අක්කෙ මේ කාමරයක් බලන්න කියලා පැටලි පැටලි කිව්වා.කාමර පේළියක් තියනවා එයින් එකක හිස් කාමරයක් තියනවා කියලා කිව්වෙ.ඒක පෙන්නන්න එක්කන් යනකොට එක කාමරේක දොරක් ඇරුනා,ඇරුනු දොරින් ආවෙ නැතෑ කොටටම ගවුම් ගහගත්ත තොල් රතුම රතු පාට කරපු අංගනාවො 3න් දෙනෙක්.මට තේරුණා මුන් ටික ලෝකෙ පරණම රස්සාව කරන උන් කියලා.
රෑ රස්සාවට දවල් තිස්සෙ හැංගුන තැනින් එළියට බහිනවා කියලත් තේරුනා.මේ මළ හැන්දෑවෙ මට හොදටම දාඩිය දාන්න ගත්තා.කොහොමද ඒ වෙලාවෙ පොලොස් මහත්තුරු ටිකක් එහෙම එතනට පහත් උනානම්? එහෙනම් ඊලග දවසේ පත්තරේ මුල් පිටුවෙම දායි අහවල් විස්ස විජ්ජාලෙ අහවලාගේ පුතා අහවල් තැනක අහවල් වැඩේ කරන්න ඇවිත් පොලිස් දැලේ කියලා.මං කාමර බැලිල්ල පැත්තක තියලා ෆෝන් එකත් කනේ ගහන්,අනේ බුදු අක්කේ හදිස්සියක් යන්නම වෙනවා කියලා එතනින් හනිකට චුත වුනා.මං ඒ වෙලාවේ බයිසිකලේ පෑගුව හැටි ලෝක සයිකල් සූරයා දැක්කනම් ඌ මගෙන් සයිකල් පදින හැටි ඉගෙනගන්න එනවා.ඒ පැදපු පැදිල්ල ගෙදරටම ඇවිල්ල තමයි නතර උනේ.ඇවිත් පැය ගානක් හති අරින්නත් උනා.ඔන්න ඔහොම තමයි රත්මලාන පැත්තේ බෝඩිම්.
කාගෙත් හිත සුව පිණිස හිතා මතාම නම් ගම් වෙනස් කරන ලදී.කාගේ හෝ හිත රිදුනේ නම් සමාවෙන්න,මෙය මල් මල් කොලුවාගේ එක්තරා අත්දැකීමක් පමණි.ඡායාරූප අන්තර්ජාලය ඇසුරෙනි.
ප/ලි
අප හිතවත් ගූගල් දෙයියා මා බොලොක්කයේ ඇති කමන්ට් ස්පෑම් යැයි සලකා ඒවා ඉවත්
කිරීමට කටයුතු කරන හෙයින් එතුමාට එකට එක කිරීමක් ලෙස මෙම බොගයෙන් ගූ ගල්
කමෙන්ට් පෙස්ටිය ඉවත් කරන ලදී.මේ තාක් දුරට මා දිරිමත් කල,අදහස් එක්කල
සියල්ලගේම කමෙන්ට් ගූ ගල් දෙයියා සමග වලපල්ලට යන බැවින් කමාව අයදිමි.බොගර්
කමෙන්ට් පෙස්ටියට ජය වේවා යැයි පතමින් මෙතැන් සිට එම පෙස්ටිය සැවොම භාවිතා
කරමු.....
ඒ බිම නිකං හදේ ආවාට වගේ පස් ගොඩවල් තැනින් තැන.ටොයිලට් එකට තියෙන්නේ ගඩොල් කැට දෙකක් අල්ලපු මුල්ලක්.මහ ලොකුවට ඒ මනුස්සයගේ සුවාමි පුරුසයා පොලීසියෙලු.මගේ වාචාල කටට හොද හොද ඒවා ආවා,ඒත් ඉතිං මං සද්ද නැතිව ඉදලා ඕන උනොත් කෝල් කරන්නම් කියලා ආයිමත් පාරට බැස්ස.